“Nuk kam kohë të ju ftoj të gjithëve personalisht, por shpresoj të vini”, kishte shkruar ajo, duke shtuar se “natyrisht, mund të merrni me vete edhe ndonjë të panjohur, por mos ia teproni në mënyrë që gjërat të mos dalin jashtë kontrollit”.
Dhe ndodhi diçka e pabesueshme, pasi për pjesëmarrje në ndejë përnjëherë u paraqitën 20 000 persona, ndërsa brenda disa ditëve kjo shifër arriti në 200 000.
Një portal madje shkoi aq larg sa përfitoi nga kjo ide, duke ofruar ftesa për këtë ndejë për çmimin prej 16 dollarëve australianë.
Adoleshentes nuk i mbeti gjë tjetër pos të anulojë ndejën. Natyrisht jo plotësisht, pasi e ndërroi datën dhe lokacionin dhe ditëlindjen e kremtoi vetëm në shoqëri me miq më të afërm dhe me përcjellje policore, të cilët qëndruan atje për çdo rast eventual, në rast se në portal do të shpallej edhe ftesa e ndryshuar.
Se ftesa publike për pjesëmarrje në ndeja nuk është edhe aq ide e mirë e ka provuar në lëkurë të vet shumëkush para adoleshentes australiane Jessica.
Një adoleshente britanike kishte ftuar në ndejë të saj 15 persona, por në fund ndë ndejën e saj ishin paraqitur 21 000 mysafirë.
