Betohet edhe Vetvendosja!

Nesër, më 21 shkurt 2011, 14 deputetë të Lëvizjes VETËVENDOSJE!, do të marrin pjesë në seancën e parë të Kuvendit të Kosovës që doli nga zgjedhjet e 12 dhjetorit të vitit të kaluar, thuhet ne komunikaten e leshuar nga Vetvendosje.

 "Të gjithë qytetarët e dinë se këto zgjedhje shënuan vjedhjen më të madhe elektorale në Kosovën e pasluftës. Institucionet e reja të dala nga këto zgjedhje e përfaqësojnë veçse vullnetin e deformuar të votuesve. Lëvizja VETËVENDOSJE! pjesëmarrjen e saj në institucione e sheh si mjet shtesë për qëllimin e njëjtë e brenda konceptit të njëjtë. Ne do të jemi opozitë e fuqishme parlamentare dhe jashtëparlamentare. Lëvizja VETËVENDOSJE! e ka lexuar tekstin e betimit dhe është në dijeni të procedurës formale rreth tij të përshkruar në fund të pikës së parë të Nenit 10 të Rregullores së Kuvendit të Republikës së Kosovës. Çdo teprim që organizohet nga ish pushtetarët me këtë rast do ta trajtojmë si provokim dhe ndaj tij do të reagojmë me vendosmëri." thuhet mes te tjerash ne kete komunikate./toplajm