S’ka marrëveshje në PDK

Partia e Demokratike e Kosovës ka mbajtur një mbledhje të gjatë të dielën mbrëma, ku është diskutuar rreth marrëveshjes me Listën Ibrahim Rugova dhe për emrat e ministrave të rinj. Siç raporton Express, në këtë mbledhje nuk është arritur asnjë konsensus. “Mbledhja do të vazhdojë nesër nga ora 9:00”, ka thënë zyrtari i PDK’së që foli në kushte anonimiteti për gazetën. Anëtari i Kryesisë së PDK'së, Memli Krasniqi tha emrat e se emrat e zyrtarëve të saj që do të jenë në krye të ministrave janë në kompetencën e Kryetarit Hashim Thaçi dhe gjithçka lidhur më këtë do të dihet nesër. “Besoj që kjo është një çështje që nesër do të publikohet. Është në kompetencat e mandatarit, Kryeministrit Thaçi dhe njëherit Kryetarit të PDK'së, por gjithsesi kjo çështje tashmë është përmbyllur në forumet e Partisë Demokratike të Kosovës”, ka thënë Kransiqi.

Dihet se nesër në seancën konstituive është përcaktuar të bëhet zgjedhja e komisionit për verifikimin e mandateve, dhënia e betimit të deputetëve, zgjedhja e kryetarit dhe e nënkryetarëve të Kuvendit. /indeksonline/foto:Express