sesionin e Këshillit të OKB-së për të drejtat e njeriut, që po mbahet në Gjenevë. Zv.ministrja e Jashtme shqiptare, Harxhi, tha se pala shqiptare e votoi vetë Rezolutën e Parlamentit Europian dhe është e hapur për hetime për t’i dhënë fund kësaj shpifjeje. Por, siç u shpreh ajo, Jermiq në Gjenevë nuk foli për të drejtat e njeriut, por u mor me propagandë, njoftojnë mediat.
Duke iu kundërvënë fjalimit të ministrit të Jashtëm serb, Vuk Jeremiq, rreth Kosovës dhe shqiptarëve, zonja Harxhi tha se Beogradi fillimisht duhet të pranojë fajin e bërë ndaj tyre, të kërkojë falje publike për krime, gjenocid e spastrime etnike që bënë serbët në Kosovë, e pastaj të flitet për pajtim rajona. Duke folur për Rezolutën e Asamblesë Parlamentare në Strasburg të bazuar në raportin i Dick Martyt, i cili akuzon Kosovën për "trafik organesh", zonja Harxhi u shpreh se "Shqipëria sot është një vend demokratik, i hapur dhe i gatshëm të bashkëpunojë me të gjitha vendet fqinje në favor të paqes dhe stabilitetit në rajon, sikur që është e gatshme të bashkëpunojë edhe me ndërkombëtarët për integrime dhe në luftën kundër krimit të organizuar dhe krimeve të bëra gjatë luftës së
fundit në Ballkan. Madje Shqipëria ishte pro Rezolutës së PE në Strasbrug, duke i hapur udhën dhe mundësive për hetime ndërkombëtare rreth akuzave e dyshimeve të shfaqura në raportin e Dick Martyt dhe akuzave serbe, se në Kosovë UÇK apo liderët e saj
qenkan marrë me "trafik organesh " duke implikuar këtu edhe vendin tonë, tha ajo.
“Ne kemi votuar pro Rezolutës së KE për të dëshmuar se Shqipëria është shtet trsanparent dhe i gatshëm për bashkëpunim dhe hetime të paanshme rreth akuzave të bëra, pavarësisht se TPI, EULEX dhe organizatat të tjera ndërkombëtare kanë zhvilluar hetime, të cilat pas një decenie të plotë aktivitetesh deri tash nuk kanë gjetur fakte për të dëshmuar atë çfarë është thënë në raportin e Dick Marty apo akuzave serbe.
