“Të kënduarit live vlerësohet nga gjithë publiku. Veshi i çdo personi e do dhe e kërkon të kënduarit live. Ndaj është detyra jonë që t’i ofrojmë dëgjuesit atë që do. Ne ishim në disa mbrëmje rresht nëpër vende të ndryshe. Madje në Gjermani e vlerësuan shumë lart prezantimin tonë, sidomos këngën Nina”, shprehet Besniku.
Pavarësisht ftesave të shumta për koncerte e mbrëmje muzikore, djemtë aktualisht janë të fokusuar rreth punës për albumin e tyre të radhës, i cili do të publikohet shumë shpejt. “Jemi shumë afër realizimit të albumit, ndonëse me tekstet kemi mbetur pak mbrapa.
Por besoj që gjithçka do të vazhdojë si mos më mirë dhe albumi do të jetë shumë shpejt gati”, tregon më tej Besniku, ndërsa shton se tekstshkruesi i këngëve të tyre mbetet i njëjti, madje Mithat Sadiku është pjesë e pandashme e grupit.
