Pacolli nuk ndalet

Presidenti i AKR-së,  Behgjet Pacolli u takua sot në kuadër të veprimtarisë lobuese me ministrin e jashtëm të Timorit Lindor, zotin Dr Zacarias Albano da Costa. Zoti Pacolli që në fillim të takimit ofroi disa arsye specifike pse Timori Lindor duhet të njohë Kosovën. Ne kemi shumë pika të përbashkëta në histori dhe askush më mirë  se ju nuk mund të na kuptojë- tha zoti Pacolli. Kemi qenë koloni për shtete që s'kanë patur asnjë lidhje me ne. Jemi popuj të vegjël që kemi derdhur shumë gjak për lirinë, kemi vuajtur genocidin në kurrizin tonë, kemi qenë në një administrim të përkohshëm të OKB dhe ndaj njohja prej Timorit Lindor është jashtëzakonisht domethenese për ne. Më pas zoti Pacolli dhe zonja Mimoza Kusari që ishte pjesë e grupit lobues e njohën ministrin me momente të veçanta të historisë së afërt të Kosovës, perspektivën ekonomike të saj, zhvillimet institucionale, bene te ditur zyra per informim e AKR-se.

Me tutje ne komunikate thuhet se Ministri  Kosta ftoi zotin Pacolli të vizitojë Timorin Lindor, vizita e parë e një politikani kosovar në ishullin e largët.  Për të lobuar kundër Kosovës ka qenë ministri i mbrojtjes së Serbisë Dragan Shutanovac. 


Zoti Pacolli planifikon të vizitojë Timorin Lindor në muajin nëntor të këtij viti. 
Presidenti i AKR-se dhe zv/Presidentja u takuan me Ministrin e Puneve te Jashtme te Republikes se Mauritius, z.Arvin Boolell dhe bashkepunetoret e tij. Ne takim u prezantuan faktet dhe domosdoshmeria per ngritjen e numrit te njohjeve te Kosoves, per funksionalizimin e shtetit te ri dhe dhenien e shanses se kosovareve per nje jete me te mire. 
Nga ana e Ministrit Boolell u ndegjua per ndikimin e madh qe e ka Serbia ne numer te konsiderueshem te shteteve te cilat nuk e kane njohur ende Kosoven, duke i bere te besojne ato se vendimi i Gjykates Nderkombetare te Drejtesise eshte i paqarte. Nga grupi Kosovar u ndruqian shume fakte te tjera te pa degjuara më heret nga perfaqesuesit e Mauritius. Pas takimit te gjate, u vendos te vazhdoje komunikimi dhe shkembimi i informative ne menyre qe ky shtet te filloje te mendoje seriozisht per rendesine e njohjes se Republikes se Kosoves. 

Në mbrëmje, z. Pacolli dhe znj. Kusari – Lila zhvilluan një takim edhe me Presidentin e Kiribatit dhe Ministrin e Punëve të Jashtme, z. Anote Tong. Presidenti Tong, edhe një herë e konfirmoi se njohja e Kosovës tanimë është vetëm cështje e procedurave në shtetin të cilin e perfaqëson ai, pasi që vendimi për njohje vetëm është marrë. Z. Pacolli i falenderoi shumë për konsideratën dhe rëndësinë që ky shtet po i jep Kosovës.