Lirohet demonstruesi i “armatosur”

Gjykata e Shkallës së Parë në kryeqytet ka vendosur sot të lirojë nga qelitë edhe Gjin Ndreun, një nga të arrestuarit për demonstratën e së premtes.

Ai u kap nga kamerat sikur kishte armë në brez, por prokuroria mendon se ajo që posedonte burri nga Shkodra nuk ishte e tillë.

Ndaj, për këtë shtetas u mor masa detyrim paraqitjeje, ashtu sikurse e njëjta masë u mor edhe për shumë persona të tjerë.

Pamjet e filmuara gjatë ditës së demonstratës kanë fiksuar dukshëm njërin prej protestuesve, që është Gjin Ndreu duke dhunuar policët e shtetit. Ky shtetas është parë edhe duke biseduar me eksponentë të Partisë Socialiste, atë ditë./gs