Lajmin e ka bërë të ditur sekretari i përgjithshëm i FFK-së, Eroll Salihu, derisa e ka konfirmuar edhe zëdhënësi i presidencës, Arbër Geci. Salihu ka thënë se Bekenbauer do të vizitoj Kosovën me ftesë të presidentit Pacolli, ndërsa do të zhvillojë takim me krerët e federatave sportive të Kosovës.
Me këtë rast presidenti Pacolli do të shtroj edhe një drekë për mysafirët. Ndërkaq, legjenda e futbollit gjerman do të vizitojë edhe KF “Prishtina”. Kjo e fundit sot në orën 16:00 do të mbajë një konferencë me gazetarë ku do të bëjë të ditura detajet e kësaj vizite./rtk/
