Rreth 250 persona kanë protestuar sot në qytetin Sohar, që gjendet rreth 200 km larg kryeqendrës Muskat, kurse sipas fjalëve të dëshmitarëve , policia ka tentuar të shpërndajë demonstruesit duke përdorur gaz lotsjellës dhe plumba prej gomës.
Në përleshje janë regjistruar dy të vdekur dhe pesë të plagosur, i ka thënë agjencisë France Press një zyrtar policor që ka dashur të mbetet anonim.
Protestat në Sohar kanë filluar të premten, kurse rreth 300 persona kanë protestuar qetë javën e kaluar në Muskat, duke kërkuar rritje të pagave dhe reforma politike.
Demonstrata ka edhe në qytetin Salala në jug të vendit, raporton BBC.
Sundimtari i Omanmt, sulltani Kabus bin Said i ka ndërruar gjashtë ministra në përpjekje për të ulur tensionet në vedn, kurse pas protestave janë rritur bursat e studentëve dhe pagat minimale.
Agjencia shtetërore omaneze transmetoi lajmin se në Sohar grupi i demonstruesve sot ka djegur disa automjete e shtëpi, pastaj një stacion policor, si dhe rezidencën e guvernatorit.
Demonstrusit kanë bllokuar edhe rrugën kryesore në qytet dhe kanë penguar njerëzit të shkojnë në punë, thuhet në njoftimin e agjencisë shtetërore, me ç’rast përmenden viktimat, por nuk thuhet se a bëhet fjalë për të vdekur apo të plagosur.
Omani bashkë me Iranin kontrollon ngushticën e Hormuzit në Gjirin Persik, nëpër të cilin kalojnë rreth 40 për qind e tankerëve në botë.
