Festivali i filmit dhe arteve vizuele, 4 Tuned Cities, i hapur në Prishtinë më 27 shtator, nga 1-3 tetori do të shfaqë programin e filmit në hapsirat Dit’ e Nat’ dhe Tetris. Hapja e programit do të bëhet me 1 Tetor në ora 20.00 në Dit’ e Nat’.
I nisur me qëllim për të promovuar kinemanë e pavarur të katër qyteteve pjesëmarrëse, programi i filmit i 4 Tuned Cities është selektuar në bashkëpunim të afërt në mes të katër organizatave partnere të festivalit: Dit’ e Nat’ (Prishtinë), Balkan Buro(Amsterdam), Lokomotiva(Shkup) dhe Kriterion(Sarajevë).
Programi i filmit përmban 2 filma të metrazhit të gjatë dhe 6 grupe tematike me përzierje të filmave të shkurtër, animacion, eksperimentalë, dhe dokumentarë.
Gjashtë grupet tematike nën ombrellën e të cilave janë kombinuar filma të zhanreve të ndryshme janë: “Muret e Thyera” (Shattered Walls), “Gjallë e shnosh” (Alive and Kicking), “Brenda Kufijve/ Pa Kufij” (Within/Without Borders), “Tu shku’ nën tokë”(Going underground), “Veç e veç” (Asunder), “Jeta në shirit” (Life on Reel).
Secili grup tematik përmban 5 apo 6 filma, që lidhen drejtpërsëdrejti me temën.
Dy filmat e metrazhit të gjatë, të cilët do të shfaqen veçmas janë: “Cash &Marry” (“Paret &Martohu”), një dokumentar për martesën për letra dhe jetën imigrante në Austri dhe filmi fiktiv i metrazhit të gjatë “Scum”(“Llom”) për dy jetëra plotësisht të ndryshme që ndeshen në një ndodhi fatkeqe.
Gjatë shfaqjes së filmave përveç pjesëmarrësve vendas në festival, do të jenë të pranishëm edhe mysafirë nga Holanda, Maqedonia dhe Bosnia dhe Hercegovina.
Pas filmave, si pjesë e programit të filmit janë planifikuar edhe dy performanca muzikore. Më 1 tetor, në ora 22.30 në hapsirën manipuluese Tetris, DJ Irmin (Holandë) do të lëshojë muzikë: një përzierje jo konvencionale e jazz, tarabukave amerikano-jugore, deephouse dhe disco.
Më 3 tetor, po ashtu në Tetris, nga ora 22.30, do të mbahet koncerti dhe kokteji mbyllës i festivalit, gjatë të cilit do të performojnë Jazzair’t, një jazz trio i përbërë nga Armend Xhaferi, Ilir Bajri dhe Nesim Maxhuni.
Selektimi i filmave është bërë nga 8 kuratorë filmash:
Violeta Kachakova (Shkup)
Natasha Dimitrievska (Shkup)
Kaltrina Krasniqi (Prishtinë)
Lura Limani (Prishtinë)
Dalio Sijah (Sarajevë)
Conrad Kockert (Amsterdam)
Irmin van der Meijden (Amsterdam)
Carlos Natalio (Lizbonë/ pre-selektimi Amsterdam)
Kopje të shtypura të programit do t’i gjeni në Dit’ e Nat’.
Për informata më të hollësishme mbi programin e filmit hulumtoni në faqen tonë: www.4tunedcities.org
