Zëdhënësi i Policisë së Kosovës (PK), në Drejtorinë Rajonale në Gjilan, Ismet Hashani, ka bërë të ditur se serbi, i arrestuari ditë më parë lidhur me këtë rast, është liruar, ndërsa janë kryer dy bastisje të dy shtëpive të dyshimtëve, në Pasjan.
Zëdhënësi Hashani ka thënë se gjatë kontrollimit në shtëpinë e M. K (1967), serb, banor
i fshatit Pasjan, janë gjetur dhe konfiskuar: një pushkë "M 48", një revole "Zastava", 7.65 mm, shtatë fishekë të kalibrit 7.65 mm; dy karikatorë të revoles "Zastava" 7.65 mm; njëzet e dy fishekë të kalibrit 7x9 të pushkës M-48; dymbëdhjetë fishekë PPU, të kalibrit të panjohur; një pushkë automatike AK-47, dy karikatorë të pushkës AK-47, të mbushura me nga 30 fishekë të kalibrit 7.62 mm; një pushkë – mitraloz "M-53", njëzet e shtatë fishekë të kalibrit 7.62 mm dhe pesë granata dore. Ndërsa në shtëpinë e dytë të bastisur, pronë e S. A.(1964), banor serb i fshatit Pasjan, zëdhënësi Hashani ka thënë se nuk është gjetur asgjë ilegale.
Meqë të dy të dyshuarit nuk janë gjetur në shtëpitë e tyre, familjarët e tyre janë porositur që ata të lajmërohen në Njësitin e hetimeve rajonale në Gjilan, me qëllim të zhvillimit
të intervistave me ta. Policia e Gjilanit ka thënë se ata ende nuk e kanë bërë një gjë të .
Hetimet lidhur me këtë rast janë duke vazhduar nga policia dhe Prokuroria e Qarkut.
Fëmija 14 vjeç, Leutrim Musliu, nga fshati Uglar i Gjilanit, u vra me armë zjarri, pasditen e 5 marsit, derisa po kthehej nga mali, ku kishin shkuar për të marrë dru së bashku me babain e tij dhe disa persona të tjerë./kn
