Vajza 12-vjeçare e Bin Ladenit ishte në mesin e gjashtë fëmijëve që u shpëtuan nga shtëpia në qytetin Abotabad, në të cilën fshihej Osama bin Laden. Ajo u tha hetuesve pakistanezë se marinsat amerikanë kapën babanë e saj, dhe pastaj e vranë para anëtarëve të familjes, raporton Al Arabiya.
Sipas deklaratave të mbledhura nga pakistanezët, Bin Ladeni nuk ishte i armatosur, dhe se askush nuk kishte gjuajtur nga shtëpia në helikopterin apo ushtarët amerikanë, transmetojnë mediet kroate.
Forcat pakistaneze të sigurisë kanë njoftuar se në strehimoren e Bin Ladenit gjatë kontrollit nuk kishin gjetur asnjë armë apo eksploziv./kn
