DONIKA RUDI FTOHET TË MARRË PJESË NË FESTIVALIN E LUCERN-IT

Me ftesë të Ambasadës Zvicerane, Programit Kulturor Zviceran (SCP) dhe Festivalit të Muzikës në Lucern, kompozitorja kosovare Donika Rudi është ftuar të marrë pjesë në këtë ngjarje të rëndësishme. 


Këtë vit festivali i cili k nisur më 12 gusht dhe do mbyllet më 18 shtator në mesin e 23 mysafirëve të festivalit bëjnë pjesë drejtor të festivaleve, muzikantë të njohur dhe të rëndësishëm nga shteteve të ndryshme si: Patric de Clerk (Ars Musica), Jacques Ménétrey (Archipel), Ulli Fussenegger (Klangforum Wien), Joel Bons (Nieuw Ensemble), Andrew Burke ( London Sinfonietta), Heike Hoffmann (Salzburg Biennale). Mes tyre Kosova do përfaqësohet nga Donika Rudi.

I themeluar më 1988, Festivali i Lucernit është një ndër ngjarjet më të mëdha europiane të muzikës moderne. Në skenën e festivalit kanë shkelur emra të rëndësishëm të muzikës si: Claudio Abbado, Simon Rattle, Gustavo Dudamel, Heinz Holliger si dhe orkestrat e njohura si Filarmonia e Berlinit, ajo e Vjenës etj.
Donika Rudi gjatë pjesëmarrjes në Konferencën e Asociacionit Evropian të Festivaleve EFA në Bruksel e organizuar në kuadër të festivalit Ars Musica, me drejtorin e këtij festivali pati shqyrtuar bashkëpunimit e festivalit të atjeshëm me Remusica-n dhe mundësinë e prezantimit eventual të krijimtarisë kosovare atje.
Pjesëmarrjen në këtë festival Rudi e sheh si të rëndësishme, kjo për faktin se krijohet mundësia e shkëmbimit të përvojave në organizimin e festivaleve të muzikës moderne si dhe krijimit të kontakteve me muzikant të tjerë të ftuar në festivalin e Lucern-it po ashtu nga Pro Helvetia. Tutje Rudi ka shtuar se “do të shikojë mundësinë e bashkëpunimit të këtyre artistëve me festivalin Re Musica”.
“Në këtë festival është hera e parë që shkoj dhe t’ju them të drejtën për mua është shumë e rëndësishme duke marrë parasysh që aty marrin pjesë emra të njohur botëror”, ka përfunduar Rudi.