Arbana bën lidhjen me Shtëpinë e BB dhe u tregon atyre renditjen provizore të votave. Arbana thotë se për Nedën dhe Ogrenin kjo javë ka qenë shumë e mbushur me ngjarje dhe gjithçka ka nisur nga një arush që Neda ia ka vendosur mbi krevat.
Arbana u thotë djemve që të shkojnë tek dhoma jeshile, ndërkohë që vajzat qëndrojnë tek dhoma e ndenjes. Neda shkon në dhomën e rrëfimit, ndërsa vajzat në dhomëne gjumit. Arbana e thërret Ogrenin që të shkojë në sallon. Arbana i thotë Nedës se do të shikojë në monitor një klip. Të njëjtin klip ka parë edhe Ogreni në sallon. Pas ndjekjes së klipit Arbana pyet Nedën për lidhjen që ajo ka me Ogrenin.
Neda thotë se nuk ka asnjë qëllim në Shtëpi, veç qëllimit të përbashkët. “S’kam qëllimin ‘Ogren’”, thotë Neda. Ajo thotë se e vlerëson shumë si njeri Ogrenin, por nuk ka qëllim tjetër, ashtu siç edhe ai nuk ka.
Arbana e pyet nëse ata po luajnë dhe Neda i thotë se nëse po luajnë, janë duke luajtur lojën në konturet e BB, por në lidhje me Ogrenin nuk ka lojë. Më pas Arbana lidhet me Ogrenin, i cili ëhstë keqkuptuar në lidhje me “lojën” që përmendi Neda. Neda mundohet t’ia sqarojë, por Ogrenit i duket justifikim.
Arbana kërkon ndihmën e opinionistit, i cili thotë se e ka mirkuptuar Nedën. Ogreni thotë se e vlerëson gjithashtu Nedën, e cila edhe pse e vogël në moshë, është mikja e tij më e mirë dhe ajo me të cilën ai përshtatet më shumë.
Opinionisti u thotë se ata të dy, Nedën dhe Ogrenin, i shikon si lojtarët më të fortë për momentin.
