Komandanti i KFOR-it, gjenerali Erhard Buhler ka theksuar se zvogëlimin e trupave të misionit paqësor të NATO-së në Kosovë e vlerëson si reflektim të situatës së mirë të sigurisë në vend. “Ky është reflektim i situatës së sigurisë në Kosovë dhe është një gjë e mirë si për ushtritë e kombeve që kanë shërbyer në Kosovë, ashtu edhe për vetë Kosovën”. Këto komente gjenerali Erhard Buhler i ka bërë të hënën gjatë ceremonisë së shpërbërjes së Battle Gruop Shumkombësh -Veri, në kampin ushtarak ‘Marechal de Lattre de Tassigny’, në fshatin Maxhunaj. Me strukturë të re KFOR-i do të jetë prezent me njësi fleksibile në pesë rajone, por do ta ketë edhe një njësi mobile për intervenim kudo që ka nevojë, ka shpjeguar Buhler. Po ashtu ai ka bërë të ditur se KFOR-i do të vazhdojë të mbështesë Policinë e Kosovës dhe EULEX-in në veri të vendit.
.
Me gjithë përmirësimin e situatës së sigurisë në Kosovë, gjenerali Buhler ka shpjeguar se megjithatë në disa rajone në Kosovë ende ka ende nevojë për prezencë ushtarake të NATO-së. Buhler, më tej ka precizuar se Kosova nuk ka rreziqe të jashtme. Nuk ka asnjë rrezik nga jashtë, KFOR-i do të vazhdojë të monitorojë vijën kufitare administrative në veri dhe jemi në kontakt edhe me autoritet serbe rreth monitorimit të vijës kufitare. I pari i KFOR-it për Kosovë ka hedhur poshtë mundësin që gjatë bisedimeve Kosovë-Serbi të ketë tensionim të situatës në veri të Kosovës. “Dialog mes Kosovës dhe Serbisë të sjellë paqe në të dyja pjesët e lumit Ibër”, është shprehur ai.
Komandanti i KFOR-it, Erhard Buehler ka thënë se situata është stabile, por sipas tij ekziston edhe potencial për dhunë. Buehler është me tepër i shqetësuar për imazhin e përgjithshëm të Kosovës sesa atë të sigurisë. Buehler ka shprehur gatishmërinë e KFOR-it bërë të ndihmuar EULEX_in dhe Policin për arrestimin e “mbretërve” të krimit në vëri, por, sipas tij, për këtë duhet kohë. Ndërsa ka paralajmëruar se gjatë këtij viti nuk do të ketë zvogëlim të trupave të NATO-së./kn
