David Villa i zhgenjyer

SPORT: Sulmuesi spanjoll David Villa është ndarë i zhgënjyer që nuk ka arritur të thyejë rekordin e Raulit për më së shumti gola të shënuar në fanellën e Përfaqësueses së Spanjës.

Villa të premten e barazoi rekordin e Raulit prej 44 golave të realizuar. Sulmuesi i Barcelonës shënoi një gol në sfidën eliminatore për "Evro 2012" kundër Lihtenshtajnit. Spanja fitoi me rezultatin 4:0. Villa pati rastin të shënojë edhe golin rekord, por e qëlloi traversën. "Është mëkat pasi pata rast ideal për të shënuar. Por, nuk kam pse të nxitohem", ka thënë Villa për gazetën spanjolle "AS".