Kjo u bë e ditur nga komandanti i KFOR-it, gjenerali Erhard Buehler, i cili të premten pati një takim me kryetarin e Komunës së Skenderajt, Sami Lushtaku.
Buehler tha se KFOR-i, bashkë edhe me Policinë e Kosovës dhe me policinë e EULEX-it, janë ulur dhe kanë hartuar një koncept të përbashkët për sigurinë në ditën e zgjedhjeve.
“Sonte gjithashtu do të ulemi dhe do të bisedojmë, unë, shefi i Policisë së EULEX-it dhe ai i Policisë së Kosovës, Reshat Maliqi dhe do të bisedojmë edhe një here për këtë çështje. Dua të them se Policia e Kosovës do të përkujdeset për gjendjen e sigurisë gjatë ditës së zgjedhjeve dhe jam shumë i bindur se ata do t’ia dalin”.
Gjenerali Buehler ka thënë po ashtu s KFOR-i do t’i koncentrojë forcat në ato rajone që i konsideron të domosdoshme, por se nuk do të jenë edhe aq shumë të dukshëm. /Telegrafi/
