Shefja e repartit për ndryshime klimatike
në ministrinë serbe të Mjedisit Jetësor Daniella Bozhaniq tha se klimatologët në BE kanë paralajmëruar se në 20 vitet e ardhshme rajoni i Serbisë do të jetë më i rrezikuar nga reshjet e shiut dhe përmbytjet. Sasia e reshjeve çdo vit do të jetë më e madhe për dhjetë për qind, ndërsa banorët e rajoneve më të rrezikuara i presin edhe epidemi dhe mungesë të ushqimit.
Gjithë këto janë pasojë e ndryshimeve klimatike në botë, ndërsa Ballkani do të jetë një prej rajoneve më të rrezikuara. "Sa i përket Evropës, ekziston vlerësin se Ballkani bën pjesë midis rajoneve të cilat do të jenë më të rrezikuara sa i përket reshjeve të shiut dhe përmbytjeve", thotë Bozhaniq dhe shtoi se vlerësimet janë në bazë të të dhënave nga e kaluara dhe parashikime e paralajmëruara të motit për vitin e ardhshëm.
