Specialistët thonë gjithmonë se ngrënia e tepërt, pija e tepërt dhe
puna e tepërt kanë pasoja negative për organizmin. Por, pak herë është folur për rreziqet e “stërvitjes së tepërt”.Një studim nga shkencëtarë spanjollë tregon se praktikimi i ushtrimeve të rezistencës në mënyrë intensive dhe përgjatë shumë viteve sjell probleme në zemër.
Sipas këtij studimi, ushtrime të tilla si biçikleta mund të sjellin shfaqjen e aritmisë.
Dihet se ushtrimet ndikojnë në ndryshimin anatomik të zemrës duke e shndërruar në atë që quhet “zemër atleti”, por ky është studimi i parë që tregon se këto ushtrime mund të çojnë në sëmundje.
Këto rezultate mund të krijojnë shqetësim vetëm për ata që praktikojnë ushtrime të një niveli të lartë (maratonistët ose çiklistët) dhe jo për ata që bëjnë ushtrime të moderuara dhe të rregullta.
