“Milan është në krye të renditjes pasi kemi një ekip të kompletuar. Në vend të dytë është një skuadër e mrekullueshme si Napoli, por shpresoj që të qëndrojmë deri në fund në vend të parë dhe të fitojmë titullin kampion”, u shpreh Berlusconi.
“Abbiati, Thiago Silva, Nesta, Pato dhe Ibrahimoviq deri para 2 muajsh kanë një notë pozitive. Më pëlqen shumë edhe Robinho”, shtoi presidenti i Milanit, transmeton TCH.
Berlusconi shkon më tej duke bërë të ditur premion për fitimin e kampionatit: “Në afatin e ardhshëm kalimtar, nëse fitojmë titullin, skuadrës do t’i bashkohen 1 ose 2 kampionë të mëdhenj. Njëri nga këto mund të jetë Cristiano Ronaldo. Ëndrrat ka raste që realizohen, kurrë nuk i dihet.”
