April Webster lindi djalin e saj, Jamie, pasi mbeti shtatzënë kur ajo dhe babai i fëmijës, Nathan Fishbourne, ishin vetëm nga 13 vjeç. “Do të jem një nënë shumë e mirë”, shprehet ajo. Adoleshentët po diskutojnë se cila do të ishte mënyra më e mirë për të rritur fëmijën e tyre. Për momentin, Jamie 4 javëshe po jeton me April dhe prindërit e saj. Por, njëlloj si një çift i divorcuar të rriturish, Natan thotë se “Do të doja shumë ta kisha gjatë fundjavës, ndërkohë që April mund ta mbajë për pesë ditët e tjera”. Adoleshentët, të cilët nisën marrëdhënie të pambrojtura seksuale gjatë shtatorit të vitit të kaluar, janë konfuzë për marrëdhënien e tyre. April thotë se ata janë “ftohur” me njëri-tjetrin. Ndërsa Nathan mendon se është ende herët për të folur për “një të ardhme”. April zbuloi se ishte shtatzënë në ditëlindjen e saj të 14-të. Pas lindjes, fëmijës iu bë një operacion dhe qëndroi 11 ditë në spital. Më pas u lejua të kthehej në shtëpi. Prindërit e vajzës ishin shokuar kur morën vesh se vajza ishte shtatzënë, por ia lanë asaj të vendoste për fatin e fëmijës. Ndërsa prindërit e djalit u shprehën se nuk ishin aspak të lumtur, për shkak së djali i tyre u bë baba në një moshë shumë të vogël. April, diabetike, la shkollën kur ishte në muajin e katërt të shtatzënisë, por po edukohet në mënyrë speciale në qendrën e nënave të reja./pa
