Roma nuk heq dorë nga Behrami

Se Roma është e interesuar për Valon Behramin, një gjë e tillë dihet qe një kohë të gjatë, por ekipi italian e ka intensifikuar interesin për mesfushorin kosovar. Sipas të përditshmes italiane, ‘Corriere dello Sport’, ekipi Giallorossi, pasi dështoi që ta bënte të vetin gjatë verës, do të mundohet që me të gjitha forcat ta transferojë 25 vjeçarin në kryeqytetin italian gjatë janarit.

Por, fillimisht, klubi i Rosella Sensit duhet ta gjejë një sistemim për futbollistët e panevojshëm, Baptista, Cicinho, Antunes, Doni e Loria, për të menduar më pas për mitrovicasin. West Ham United e bleu Behramin nga Lazio, dy vjet më parë për 5 milionë funte. Ekipi anglez planifikon ta shesë futbollistin e krahut të djathtë për shumë të njëjtë parash. Viti 2010 nuk ishte dhe aq me fat për Behramin, të cilin nuk e lanë rehat lëndimet e njëpasnjëshme./bs