Frikë nga fundi i botës, jeto në bunker

38 familje në Meksikë kanë ndërtuar një kompleks bunkerash, në gjendje që t’i rezistojnë përmbytjeve apo goditjeve të meteorëve, që sipas banorëve, do të godasin Tokën në vitin e ardhshëm.

Banesat e tyre janë ndërtuar në një pyll në një zonë malore dhe të largët në Meksikë, një kompleks që sipas ndërtuesve është në gjendje t’i rezistojë çdo katastrofe natyrore.

Muret e “kështjellave” të veçanta janë në gjendje t’i rezistojnë shpërthimit të bombave, ndërsa ekzistojnë tunele nëntokësorë që komunikojnë midis tyre.

Sipas një parashikimi të debatueshëm të kalendarit të qytetërimit maja, në vitin 2012 do të ndodhë shkatërrimi i planetit. Duke besuar këtë profeci, grupe të ndryshëm njerëzish kanë filluar të përshtaten në mënyrën e tyre.

Në shtator 2010, 13 persona në Kaliforni u kapën përpara se të kryenin një vetvrasje masive, pasi lideri i tyre shpirtëror deklaroi se ishte bërë gati për një eveniment apokaliptik./tch