është Ermela Mezuraj fituesja e edicionit të katërt të Big Brother dhe çmimit prej 100 milionë lekësh.
"Dëshiroja shumë që të ishte një femër fituese e Big Brother, në mos unë një femër tjetër. Kam luftuar për këtë çmim sepse asgjë e mirë nuk vjen pa luftuar", u shpreh Ermela pas fitores. "Nedës i trembesha më shumë në këtë lojë sepse mënyra se si i mendonte dhe perceptonte situatat më dukej ajo e duhura. Frikën e hoqa kur kuptova se realiteti nuk kishte të bënte me teoritë e saj", shtoi Ermela.
Pak çaste përpara fitores, iu desh të ndante emocionet e pritjes me Ergysin, ndërkohë që nga loja doli fillimisht Marjeli dhe më pas Ogreni.
Vajza 25-vjeçare dukej si njeriu që realisht kishte më shumë nevojë për paratë e lojës. Ajo ka një histori të hidhur në jetën e saj, e cila ka nisur vetëm pak ditë përpara se Ermela të hynte në BB4. Motra e saj Gerta është arrestuar nga policia me akuzën e bashkëpunimit në grabitjen e 67 mijë eurove (ekuivalenti në monedhën shqiptare i çmimit të madh të BB).
Sipas njoftimit të policisë, më datë 15 dhjetor 2010 u krye arrestimi i shtetasve Rodrik Hektor Malaj, 23 vjeç, lindur në Vlorë e banues në Tiranë dhe Gerta Ylli Mezuraj, 21 vjeç, lindur në Lezhë e banuese në Tiranë. "Gjatë ecurisë së hetimeve, u dokumentua tërësisht implikimi i shtetasve të sipërcituar, ku 23 vjeçari Rodrik Malaj i ka vjedhur me dhunë çantën, punonjëses së agjencisë së udhëtimeve, ku ka mundur të marri sasinë e parave prej 67 mijë eurosh. Implikimi i shtetases Gerta Mezuraj në këtë vjedhje me dhunë, dyshohet se është arritur, duke bashkëpunuar me autorët dhe dhënë informacion, gjatë momenteve të lëvizjes së koleges së saj, për depozimin e shumës së parave në bankë.
Kjo vjedhje është realizuar ditën e djeshme (14.12.2010) në orën 15.00' në rrugën "Abdyl Frashëri" në Tiranë, ku autorët dyshohet se në bashkëpunim me njëri - tjetrin, kanë mundur të posedojnë këtë shumë parash. Pas një pune intensive u arrit sekuestrimi në cilësinë e provës materiale i valutës së grabitur dhe arrestimi në flagrancë i dy prej autorëve",- thuhet në komunikatën e policisë në lidhje me këtë ngjarje. Vetë Ermela ka pohuar në BB se ka dy motra binjake. E pyetur përse në emision është paraqitur vetëm njëra prej tyre, ajo ka thënë nën zë se motra tjetër është arrestuar për një çështje parash, por nuk ka treguar më shumë.(indexonline)
