Mourinho i bindur në eliminimin e Barçës nga LK

Pasi që Realit i solli trofeun e parë, Kupën e Mbretit, me fitoren ndaj rivalit më të madh Barcelonës me rezultat (1-0), pas vazhdimeve, strategu i “klubit mbretëror”, Jose Mourinho, është i bindur se ekipi i tij do ta eliminojë Barçën në dy ndeshjet e ardhshme në gjysmëfinalen e Ligës së Kampionëve. 
“Jam i kënaqur që kemi fituar Kupën e Mbretit. Kjo është vërtetë diçka e veçantë. Është fantastike fitorja kundër një ekipi siç është Barcelona, dhe ne e kemi merituar”, ka thënë Mourinho, i cili filloi “El Classicot” me humbje nga Barça 5-0 në Nou Camp dhjetorin e kaluar. 

“Mundemi t’i mposhtim në dy ndeshje. Pikërisht këtë e kemi bërë. Padyshim se do t’i eliminojmë nga Liga e Kampionëve, pasi gjatë katër ditëve një herë kemi luajtur baras me Barcelonën, dhe një herë i kemi mundur”, tha Mourinho për mediet spanjolle. 
Ai shtoi se fitorja e djeshme është vetëm fillimi./kn