Inis Gjoni, vajza e famshme e spektakleve ka hequr dorë përkohësisht nga dashuria e saj e parë, ekrani, për t’iu përkushtuar një pasioni të hershëm që me kalimin e kohës është bërë shumë i rëndësishëm për të, sicc është regjisura. Të gjithë e dimë që Inisi është diplomuar për regji teatri, por bukuroshja e skenës nuk është mjaftuar me kaq. Për të përforcuar
edhe më shumë idetë dhe dijet e saj në këtë fushë, Inisi i është nënshtruar studimeve master… Sapo ka përfunduar provimet dhe aktualisht është duke përgatitur shfaqjen me të cilin do të mbrojë diplomën. Natyrisht që realizimi i një shfaqjeje kërkon shumë impenjim, për më tepër në një rast si ky kur flitet për mbrojtjen e masterit, andaj dhe Inisi ka hequr dorë këto kohë nga angazhimet e saj në televizion. Ndonëse do t’i mungojë ekranit si prezantuese, emrin e saj ka gjasa ta shikojmë sërish në titrat e klipit të ri të së motrës, Ingritit… E kanë kuptuar se suksesin e vërtetë e arrijnë vetëm atëherë kur i bashkojnë të dyja forcat, kjo është dhe arsyeja pse në klipin e ri që pritet të nxjerrë shumë shpejt Ingriti, nuk do të mungojë as dora e motrës regjisore…
