Isa Mustafa, kryetar i LDK-së ka premtuar se ai si kryeministër do të rrisë buxhetin e Kosovës dhe nuk do të ketë shpenzime të kota të parasë publike.
Duke ironizuar premtimet e Hashim Thaçi, Mustafa tha se ai nuk do të ketë premtime të kota për rritjen e pagave.
Po ashtu, Mustafa tha se me qeverisjen e tij, nuk do të themelojë universitete në çdo cep të Kosovës, por do të punojë për cilësi më të mirë të arsimit në Kosovë.
Nëse, qytetarët ia besojnë votën LDK-së, Mustafa tha se qeveria e ardhshme do të ketë numër më të vogël të ministrive dhe efikasitet më të madh në punë.
Para të pranishmëve, ka folur edhe Sabri Hamiti, nënkryetar i parë i LDK-së, i cili ftoi elektoratin që të votojnë partinë që ruan me nostalgji filozofinë rugoviane. Gjatë këtij tubimi, u prezantuan kandidatët ë LDK-së për deputet të Kuvendit të Kosovës. /Telegrafi/
